مسلم لیگ(ن)پنجاب کی سیکرٹری اطلاعات عظمیٰ بخاری نے تحریک انصاف کو پاکستان ٹھگ انسٹیٹیوٹ قرار دے دیا۔
مسلم لیگ(ن) پنجاب کی ترجمان عظمیٰ بخاری نے فردوس عاشق کے بیان پر ردعمل دیتے ہوئے کہا کہ خادمہ جی آپ بھی انصاف لانڈری میں دھل کر پاک اور صاف ہو گئی ہیں۔
عظمیٰ بخاری نے کہا کہ انصاف لانڈری میں شمولیت سے قبل آپ پر بھی کرپشن کے الزامات تھے، پاکستان ٹھگ انسٹیٹیوٹ کے سربراہ کے اعتراف جرم کے بعد فارن فنڈنگ میں بچ نہیں سکتے،ویسے باجی آپ جہاں بھی جاتی ہیں،پارٹی کی تباہی ہو جاتی ہے۔
مسلم لیگ(ن)پنجاب کی سیکرٹری اطلاعات نے یہ بھی کہا کہ اگر عثمان بزدار کے اڑھائی سالہ دور میں ایک بھی کرپشن سکینڈل سامنے نہیں آیا توچینی اور گندم سکینڈلز کیا افلاطون کے دور میں آئے جبکہ رنگ روڈ ٹو سکینڈل،جعلی شراب لائسنس سکینڈل کے تمغے بھی عثمان بزدار کو ہی ملے ہیں۔
عظمیٰ بخاری کا کہنا تھا کہ یہ سب انصاف لانڈری کی کرامات ہیں جو چینی،آٹا ،پیٹرول اور ادویات چوروں کو این آر او مل رہے ہیں لیکن فردوسی باجی جب تک آپ لوگوں لاڈلے ہیں آپ سیاہ کریں یا سفید کریں اور کوئی ادارہ نہیں پوچھے گا۔
مسلم لیگ(ن)پنجاب کی سیکرٹری اطلاعات عظمیٰ بخاری کا مزید کہنا تھا کہ فردوس باجی جتنی دوڑ لگا سکتی ہیں لگا لیں بکرے کی ماں کب تک خیر منائے گی۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News