بھارت میں بنائی جانے والی فلم ’ہیرا منڈی‘ سے ناخوش، منشا پاشا


ویب ڈیسکویب ایڈیٹر

14th January, 2021
Square ad 300 x 250

پاکستان شوبز انڈسٹری کی اداکارہ منشا پاشا نے مشہور بالی وڈ فلم ساز سنجے لیلا بھنسالی کی نئی فلم ہیرا منڈی کے حوالے سے اپنی رائے کا اظہار کر دیا۔

 تفصیلات کے مطابق فلم ہیرا منڈی (پاکستان کے صوبہ پنجاب کے دارالحکومت لاہور کے ماضی کے حالات پر بنائی جانے والی فلم) جس پر منشا پاشا نا خوش ہیں۔

منشا پاشا نے سماجی رابطے کی ویب سائٹ ٹوئٹر پر کہا کہ بھارت ماضی قریب میں لاہور کی بدنام ہیرا منڈی پر فلم بنارہا ہے کیونکہ ہم ایک ایسے ملک میں رہتے ہیں جہاں افسانوی کہانیاں سینسر ہوتی ہیں اور جہاں ہر کوئی قابل قبول افسانے کیا ہے کیا نہیں سے متعلق بحث کرتا ہے تو دوسروں کو بیشتر مواقع حاصل ہوجاتے ہیں۔

منشا پاشا نے کہا کہ دوسرے ہمارے آبائی نظریات پر فلمیں بناتے ہیں انہیں برانڈ کرتے ہیں اور فروخت کرتے ہیں، آخر میں جو باقی رہ جائے گا وہ یہ کہ ہم اپنی کہانیاں دوسروں کے منہ سے سنیں گے۔ افسوس۔

یاد رہے کہ بالی ووڈ میں پاکستان کے صوبہ پنجاب کے دارالحکومت لاہور کے ماضی کے حالات پر ’ہیرا منڈی‘ نامی فلم بنانے کی تیاریاں شروع کر دی۔

 تاہم اس فلم کو بالی ووڈ کے مایہ ناز ڈائریکٹر سنجے لیلا بھنسالی’ہیرا منڈی‘ نامی فلم بنانے کا ارادہ رکھتے ہیں۔

غیر ملکی خبر رساں ادارے کے مطابق کہا جا رہا ہے کہ سنجے لیلا بھنسالی مذکورہ فلم کو پروڈیوس کریں گے، جبکہ ‘ہیرا منڈی’ کی ہدایات ان کے سابق معاون ہدایت کار وبھو پوری دیں گے۔

’اُمید کی جا رہی ہے کہ ہیرا منڈی‘ نامی فلم کو ممکنہ طور پر نیٹ فلیکس یا اسی طرح کی دوسری آن لائن اسٹریمنگ ویب سائٹ پر ریلیز کیا جائے گا۔

‘خیال رہے کہ ہیرا منڈی’ کی کہانی لاہور میں اسی نام سے واقع علاقے میں ماضی میں ہونے والے جسم فروشی کے کاروبار کو دکھایا جائے گا۔

واضح رہے کہ سنجے لیلا بھنسالی ’ہیرا منڈی‘ میں کام کے لیے ایشوریا رائے، مادھوری ڈکشٹ، ودیا بالن، منیشا کوئرالہ اور پرینیتی چوپڑا جیسی اداکارائوں سے بھی بات چیت جاری رکھے ہوئے ہے۔