وزیراطلاعات سندھ سید ناصر شاہ نے کہا ہے کہ سندھ حکومت اور پیپلز پارٹی میڈیا کے ساتھ ہے۔
تفصیلات کے مطابق لیبر کالونی تقریب میں صوبائی وزیراطلاعات سندھ سید ناصر شاہ نے خطاب کرتے ہوئے کہا کہ پیپلزپارٹی آزادی صحافت پر یقین رکھتی ہے۔
وزیراطلاعات سندھ نے کہا کہ پیپلزپارٹی نیوز چینلز کے خلاف ہونے والی کاروائیوں کی مذمت کرتی ہے۔
سید ناصر شاہ نے یہ بھی کہا کہ چیئرمین بلاول بھٹو کی ہدایت پر نیوز چینلز کے واجبات ادا کئے ہیں جبکہ ہم پیمرا اور وفاقی حکومت کی میڈیا کے خلاف کاروائیوں کی مذمت کرتے ہیں۔
وزیراطلاعات سندھ سید ناصر شاہ نے مزید کہا کہ سندھ حکومت کی سطح پر نیوز چینل مالکان سے کہا ہے کہ وہ ملازمین کو نہ نکالیں اور میڈیا ورکرز کو بروقت تنخواہیں دی جائیں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News