پاکستان پیپلزپارٹی کی رہنما و سینیٹر شیری رحمان کا کہنا ہے کہ ریکوزیشن اجلاس پر حکومت کو جواب دینا پڑے گا، حکومت کو این آر او نہیں ملے گا۔

سینیٹ میں اظہار خیال کرتے ہوئے شیری رحمان کا کہنا تھا کہ لوگ گیس کی عدم فراہمی کے باعث تڑپ رہے ہیں، وزیر نے تمام ذمہ داری پچھلی حکومت پر ڈال دی، ریکوزیشن اجلاس پر حکومت کو جواب دینا پڑے گا، حکومت کو این آر او نہیں ملے گا۔

انہوں نے کہا کہ موجودہ حکومت نے 9 روپے سے 20 روپے فی یونٹ بجلی کی قیمت کو پہنچا  دیا ہے، 85 روپے فی لیٹر پیٹول کی قیمت کو 110روپے کر دیا گیا، ایف بی آر کا تمام انحصار پئٹرولیم لیوی پر ہے، چینی آٹا سیکنڈل پر وزرا کو این آر او دیا گیا، نیب گردی سے کوئی نہیں بھاگ رہا ہے، براڈ شیڈ سیکنڈل پوری دنیا کی توجہ کا مرکز بنا ہوا ہے، موجودہ حکومت نے ماضی کے مقابلے میں چار گنا زائد قرضے لئے،  عوام کی عدالت پارلیمنٹ ہے، یہاں بات کی جائے۔

شیری رحمان کا کہنا تھا کہ موجودہ حکومت نے 35کھرب کے قرضے لئے، ماضی کے مقابلے میں گیارہ کھرب سے زائد قرضے لئے گئے، بنگلہ دیش نے ملک میں تین بلین کورونا ویکسین منگوا لی ہے، ملائشیا سمیت سارے ممالک ویکسین منگوا رہے ہیں، آپ نے صرف گیارہ لاکھ ویکسین منگوائی، آپ کہتے ہیں ہمارے آرڈر کوئی نہیں لے رہا، یہ ملک ہیں یا جنرل سٹور، نہ ویکسین ملتی ہے نہ ایل این جی۔