ایل او سی پر بھارتی فوج کی فائرنگ سے پاک فوج کا جوان شہید

تنویر علی

14th Jan, 2021. 05:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایل او سی پر بھارتی فوج کی فائرنگ سے پاک فوج کا جوان شہید

لائن آف کنٹرول (ایل او سی) پر بھارتی فوج کی جانب سے ایک بار پھر جنگ بندی معاہدے کی خلاف ورزی کی گئی ہے جس کے نتیجے میں پاک فوج کا ایک جوان شہید ہوگیا۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق لائن آف کنٹرول کے دیوا سیکٹر میں بھارتی فوج نے بلا اشتعال فائرنگ کی جس کے شدید تبادلے میں پاک فوج کا 28 سالہ سپاہی نبیل لیاقت شہید ہوا۔

آئی ایس پی آر کے مطابق لائن آف کنٹرول پر پاک فوج نے بھارتی فوج کی فائرنگ کا بھرپور جواب دیا، جس کے نتیجے میں بھارتی فوج کا جانی و مالی نقصان ہوا ہے۔

ترجمان پاک فوج کے مطابق 28 سالہ شہید سپاہی کا تعلق گجر خان سے ہے، دشمن کی فائرنگ کا بہادری کے ساتھ جواب دیتے ہوئے انہوں نے جام شہادت نوش کیا۔