اسپین میں برفانی طوفان، نظامِ زندگی مکمل مفلوج


شبین رضاویب ایڈیٹر

10th January, 2021
Square ad 300 x 250

 اسپین میں برفانی طوفان نے نظام زندگی مکمل مفلوج کر دیا ہے۔

غیر ملکی میڈیا کے مطابق اسپین میں 50 سالہ تاریخ کی شدید ترین برفباری کے نتیجے میں 4 افراد ہلاک ہوگئے جبکہ ہزاروں شہری گھروں میں محصور ہو کر رہ گئے ہیں۔

 طوفان کے باعث ٹرین، فضائی سروس بند ہو گئی ہے، جبکہ مزید برف باری کا بھی امکان ظاہر کیا گیا ہے۔

اسپین کے دارالحکومت میڈرڈ میں 20 انچ برف پڑنے پر ریڈ الرٹ جاری کردیا گیا۔

ہسپانوی حکومت کا کہنا ہے کہ میڈرڈ پوری طرح برف باری سے مفلوج ہو چکا ہے ، اور جگہ جگہ ہزاروں مسافر اپنی گاڑیوں میں پھنسے ہوئے ہیں۔

جمعے کے روز سے شروع ہونے والے طوفان کی مثال 1971ء کے بعد سے کبھی نظر نہیں آئی۔ ہفتے کے روز تک میڈرڈ میں ریکارڈ کی گئی برف 50 سینٹی میٹر تھی۔

واضح رہے کہ اسپین میں 5 صوبوں ویلنسیا، کاسٹیلن، ٹیراگونا، ٹیرئل اور زاراگوزا میں برفانی طوفان سے ریڈ الرٹ کیا گیا ہے۔