سندھ کے وزیر اطلاعات سید ناصر شاہ کا کہنا ہے کہ آئی ایم آیف کے حکم پر بجلی کی قیمت میں اضافہ ہوا ہے۔

بجلی کی قیمت میں اضافے پر ردعمل دیتے ہوئے سید ناصر شاہ نے کہا کہ بجلی قیمتوں میں اضافہ مسترد کرتے ہیں، وفاقی حکومت نے اپنی شاہ خرچیوں کا بوجھ عوام پر ڈال دیا ہے، آئی ایم آیف کے حکم پر بجلی کی قیمت میں اضافہ ہوا۔

انہوں نے کہا کہ ڈھائی سال میں بجلی قیمت میں جو اضافہ ہوا، وہ 70 سال میں نہ ہوا، نااہل خان صبح شام اپنی نااہلی سے مقابلہ کررہے ہیں، عمران خان نے آج پھر ثابت کیا عوام دشمنی میں انکا کوئی ثانی نہیں، ‏عوام پر بجلی کا نیا بم گرا دیا مگر نیرو آج بھی چین کی بانسری بجا رہا ہے، عمران خان کا نیا سال کا تحفہ یہ ہے کہ صارف 100 یونٹ پر1163 روپے ادا کرے گا۔

وزیراطلاعات سندھ کا مزید کہنا تھا کہ غریب عوام گرمی تو گرمی آب سردی میں بھی بجلی سے محروم رہے گی، بجلی قیمت میں اضافہ نہیں، معاشی ڈاکہ ہے جو وفاقی حکومت عوام کی جیب پر ڈال رہی ہے۔