امیر جماعت اسلامی سینیٹر سراج الحق نے کہا ہے کہ وزیراعظم کے تبدیلی کے نعرے کھوکھلے ثابت ہوئے ، قوم کاوقت ضائع کیا گیا ہے۔
تفصیلات کے مطابق امیر جماعت اسلامی سینیٹر سراج الحق نے اپنے ایک بیان میں کہا کہ پی ٹی آئی حکومت ایڈہاک بنیادوں پر ملک کو چلا رہی ہے جبکہ اسپتالوں میں ٹھیکیداری نظام مسلط کرنے کی کوششیں کی جارہی ہیں۔
امیر جماعت اسلامی نے کہا کہ ڈھائی برسوں کے بعد بھی وہ ٹیم نہیں نظر نہیں آئی، الیکشن سے قبل وزیراعظم یہ دعوے کرتے تھے کہ ان کے پاس دو سو معاشی ماہرین کی ٹیم موجود ہے۔
سینیٹر سراج الحق نے یہ بھی کہا کہ ایف ایم ایف اور ورلڈ بنک کے اشاروں پر ملک کو چلایا جارہا ہے، مشیر باہر سے درآمد ہورہے ہیں جبکہ قوم کی قسمت کے فیصلے بند کمروں میں ہورہے ہیں۔
سراج الحق کا کہنا تھا کہ پی ٹی آئی نے ملکی تاریخ میں سب سے زیادہ قرضے لیے گئے، پی ٹی آئی نے ہیلتھ سیکٹر کو تباہی کے دہانے پر پہنچا دیا۔
امیر جماعت اسلامی سینیٹر سراج الحق کا مزید کہنا تھا کہ حکمران طبقہ اپنے علاج کے لیے باہر چلاجاتا ہے لیکن غریب در در کے دھکے کھا رہا ہے جبکہ جماعت اسلامی نے اسلامی پاکستان کی منزل کے حصول کے لیے تحریک کاآغاز کردیا ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News