ڈوبی ہوئی ریلوے اوپر اٹھے گی، وفاقی وزیر ریلوے

تنویر علی

14th Jan, 2021. 05:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈوبی ہوئی ریلوے اوپر اٹھے گی، وفاقی وزیر ریلوے

وفاقی وزیر ریلوے اعظم سواتی کا کہنا ہے کہ ڈوبی ہوئی ریلوے اوپر اٹھے گی۔

پشاور میں کینٹ ریلوے اسٹیشن کا دورہ کرنے کے بعد میڈیا سے گفتگو کرتے ہوئے اعظم سواتی کا کہنا تھا کہ آج تک ریلوے کو ایک اعشاریہ دو کھرب روپے دیے، گزشتہ چھ ماہ میں بیس ارب روپے کا نقصان کیا ہے، پچاس سال سے خسارے میں چلنے والے محکمہ کو قابل منافع بنائیں گے، کوئی زمین نہیں بیچیں گے، قبضہ مافیا ریلوے افسران اور پولیس کے ذریعے قبضے کرتے آرہے ہیں، اب قبضہ مافیا کو نہیں چھوڑیں گے، ریلوے ملازمین پانچ سے سات سو ملین روپے اوور ٹائم لے رہے ہیں، اوور ٹائم کے لئے افسران کو رشوت دی جاتی ہے، اب کسی کو اوور ٹائم نہیں لینے دوں گا۔

انہوں نے کہا کہ ریلوے ملازمین کو کچی جھونپڑیوں سے نکال کر ہائی رائیز بلڈنگز میں منتقل کریں گے، چھ ماہ میں خسارہ ختم کریں گے، ریلوے کی رگوں میں خون نہیں رہا۔

وزیر ریلوے کا مزید کہنا تھا کہ یونین کو بلیک میلنگ نہیں کرنے دوں گا، اب چور اور چوکیدار کا گٹھ جوڑ نہیں ہو سکتا۔