عالمی وبا کورونا وائرس کے بڑھتے کیسز کو دیکھتے ہوئے برطانیہ میں ایک بار پھر سے لاک ڈائوں نا فذ کر نے کا فیصلہ کر لیا گیا ہے۔
بین الاقوامی ذرائع ابلاغ کے مطابق برطانوی وزیراعظم بورس جانسن نے با قاعدہ طور پر انگلینڈ میں کل سے لاک ڈاؤن نافذ کرنے کا اعلان کیا ہے۔
لاک ڈائون کل سے فروری کے وسط تک نا فذ کیا گیا ہے تاہم تعلیمی ادارے بند ہوں گے اورآن لائن کلاسز کا سلسلہ شروع کیا جائے گا۔
ذرائع کے مطابق نئی پابندیاں مارچ میں نافذ اقدامات سے بھی زیادہ سخت ہوں گی۔
لوگ صرف اسی صورت میں گھروں سے باہر نکل سکیں گے جب بہت زیادہ ضروری ہو، مخصوص مشروبات ٹیک آوے کی بھی اجازت نہیں ہوگی۔
غیر ضروری کاروباری مراکز، ریسٹورنٹس، بیوٹی سیلون، آوٹ ڈور ورزش، گولف کورٹس اور ٹینس کورٹس بند رہیں گے جبکہ اجتماعی کھیلوں اور سیر و تفریح کے مراکز بھی بند رہیں گے۔
بورس جانسن نے کہا کہ کورونا وائرس کے کیسز میں تیزی سے اضافہ ہورہا ہے، نئے قسم کے کورونا وائرس پر قابو نہیں پایا جاسکا، جتنا ممکن ہو لوگ گھروں سے کام کریں
دوسری جانب اسکاٹ لینڈ میں آج رات بارہ بجے سے دوسری بار مکمل لاک ڈاؤن نافذ ہو جائے گا۔
کورونا سے برطانیہ میں مزید 400 اموات کے بعد مجموعی تعداد 75 ہزار سے بھی زیادہ ہوگئی۔ ایک ہی روز میں مزید 58 ہزار سے زائد نئے کیسز بھی رپورٹ ہو گئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News