رمضان شوگر ملز ریفرنس، حمزہ شہباز کی حاضری سے استثنیٰ کی درخواست منظور

ثمرا مظہر

07th Jan, 2021. 11:32 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

رمضان شوگر ملز ریفرنس، حمزہ شہباز کی حاضری سے استثنیٰ کی درخواست منظور
شہریوں کے تحفظ کیلئے سرحد پار دہشتگردوں کیخلاف اقدمات کرتے رہیں گے ، خواجہ آصف
بابر کی فارم میں شاندار واپسی ، مداحوں نے خوب لطف اٹھایا، آؤٹ ہوتے ہی اسٹیڈیم خالی ہو گیا
3 سالہ میکرو اکنامک اور فسکل فریم ورک جاری،معاشی شرح نمو بڑھ کر 5.7 فیصدتک جانے کی توقع

Now Reading:

رمضان شوگر ملز ریفرنس، حمزہ شہباز کی حاضری سے استثنیٰ کی درخواست منظور

احتساب عدالت کی جانب سےرمضان شوگرملز ریفرنس میں حمزہ شہباز کی حاضری سے استثنیٰ کی درخواست منظور کرلی گئی۔

تفصیلات کے مطابق احتساب عدالت میں سماعت کے دوران جج نے جیل ڈاکٹر پر برہمی کااظہار کرتے ہوئے کہاکہ کسی کو ریلیف دینا ہے تو درخواست تو ٹھیک لکھیں ،آپ زبانی جو مرضی کہتے رہیں میں کیسے یقین کرلوں ؟

اس موقع پر حمزہ شہباز کو عدالت پیش نہ کرنے پر جج احتساب عدالت جیل حکام پر برہم ہو گئے۔

جج نے ڈاکٹر سے مکالمہ کرتے ہوئے کہاکہ آپ نے درخواست میں صرف ٹانگ کا درد کا لکھا ہے ،کیا حمزہ شہباز جیل ہسپتال میں داخل ہیں ؟جج نے ڈاکٹر سے استفسار کیا کہ کیا حمزہ شہباز چلنے کے قابل نہیں ہیں ؟جیل ڈاکٹر نے جواب دیتے ہوئے کہاکہ حمزہ شہباز جیل ہسپتال میں نہیں اپنے سیل میں ہیں ،کورونا کے بعد حمزہ شہباز کو کمزوری ہوئی جس سے جوڑوں کا درد بڑھا۔

عدالت نے جیل ڈاکٹر سے استفسار کیا کہ آپ کی سروس کو کتنا عرصہ ہواہے؟جیل ڈاکٹر نے کہاکہ میری 23سال سروس ہوگئی ہے ،عدالت نے حمزہ شہباز کی حاضری سے استثنیٰ کی درخواست منظور کرلی اور نیب کے گواہوں کو آئندہ سماعت پر دوبارہ طلب کرتے ہوئے ریفرنس پر مزید سماعت 16جنوری تک ملتوی کردی۔