پاکستان ڈیموکریٹک موومنٹ(پی ڈی ایم) نے لانگ مارچ کا فیصلہ موخرکر دیا ہے۔
ذرائع کے مطابق پی ڈی ایم رہنماؤں کی جانب سے لانگ مارچ موخر کرنے کا فیصلہ کرتے ہوئے کہا گیا ہے کہ لانگ مارچ سینیٹ انتخابات کے بعد ہونا چاہئیے۔ پی ڈی ایم رہنماؤں نے موسم اور سینیٹ انتخابات کے باعث لانگ مارچ موخر کرنے کی تجویز دی۔
پی ڈی ایم رہنماوں نے تجویز دیتے ہوئے کہا ہے کہ فروری میں سردی زیادہ ہوگی جوکہ کارکنان کیلئے مشکلات کا باعث ہوگا اور مارچ میں سینیٹ انتخابات ہیں، اسکی تیاری بھی لانگ مارچ کے باعث نہیں ہوسکے گی۔ پی ڈی ایم سینیٹ انتخابات میں بھرپور طریقہ سے اترنا چاہتی ہے ۔ ذرائع کا کہنا ہے کہ پی ڈی ایم رہنماؤں نے لانگ مارچ، مارچ کے آخری ہفتہ کرنے پر اتفاق کیا ہے۔
خیال رہےکہ پاکستان ڈیموکریٹک مومنٹ (پی ڈی ایم) کے سربراہ مولانا فضل الرحمان نے حکومت کو الٹی میٹم دیتے ہوئے کہا تھا کہ 31 جنوری تک مستعفی ہو جائے ورنہ یکم فروری کو لانگ مارچ کی تاریخ کا اعلان کیا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News