امیر جماعت اسلامی سینیٹر سراج الحق کا کہناہے کہ وزیراعظم کے کرپشن کے خلاف ایکشن کے دعوے لفظی گولہ باری ہیں، وزیراعظم نےاپنی ذات اور پارٹی کو احتساب کے لیے کبھی پیش نہیں کیا۔
تفصیلات کے مطابق سراج الحق نے بیان دیتے ہوئے کہا ہے کہ پی ٹی آئی تبدیلی کا نہیں بلکہ نااہلی ،نالائقی اور غلامانہ سوچ کی سونامی کا نام ہے۔
انہوں نے کہا کہ عوام کی قوت خرید جواب دے چکی ہے ،حکومت نے ان پر پھر پٹرول بم گرا دیا، ملک کا پورانظام یرغمال ہے۔
سراج الحق کا کہناتھا کہ سیاسی جماعتوں میں بھی جمہوریت نہیں، الیکشن کمیشن کمزور ، نیب خود قابل احتساب ادارہ بن چکا ہے، حکمران ڈلیور نہیں کرسکتے تو مہربانی فرما کر گھر جائیں۔
انہوں نے مزید کہا کہ حکمران جان لیں مظلوم عوام کی آہ و پکار ان کو جلد لے ڈوبے گی آئی ایم ایف کی غلامی پرزور طریقے سے جاریا ہے حکومت قیمتوں میں اضافہ کر کے عوام کی ننگی پیٹھوں پر کوڑے برسائے رہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News