سابق وزیراعظم نواز شریف کے صاحبزادے حسین نواز نے انکشاف کرتے ہوئے کہا ہے کہ براڈ شیٹ نے تحقیقات کے لئے ایک اور میٹرکس نامی فرم کو ہائر کیا تھا، سر انتھونی کی ججمنٹ میں یہ بات لکھی گئی ہے کہ نواز شریف یا انکی فیملی کے خلاف کوئی ثبوت نہیں ملا۔
تفصیلات کے مطابق حسین نواز نے بیان دیتے ہوئے کہا ہے کہ یہ بات براڈ شیٹ سے پہلے انٹرپول میں بھی کہی گئی ہے، یہ ایک کلین چِٹ ہے ہمارے خلاف کچھ نہیں ملا، شریف خاندان کے خلاف آج تک کچھ نکل سکا اور نہ آگے کچھ نکلے گا۔
حسین نواز کا مزید کہا تھا کہ اگر ہمارے خلاف کچھ ثابت ہوتا تو حکومت برطانیہ کارروائی کرتی، میں ان لوگوں کو چیلنج کرتا ہوں حکومتی وزراہ ثبوت سامنے کیوں نہیں لاتے، اگر ان کےپاس ثبوت ہیں تو متعلقہ حکومتوں کا فراہم کریں۔
انہوں نے کہا کہ اسلام آباد میں اس وقت جھوٹ کا کارخانہ لگا ہوا ہے، فارنگ فنڈنگ کیس میں عمران خان کی پکڑ ہوسکتی ہے۔ لیکن ابھی تک اس کے خلاف کوئی کارروائی نہیں کی گئی۔
حسین نواز نے مزید کہا کہ حکومت کئی ممالک کو ہمارے خلاف خط لکھ چکی ہے لیکن ہمارے خلاف کوئی کیس رجسٹر نہیں ہوا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News