وزیراعظم عمران خان کا کہنا ہے کہ مدینہ کی ریاست بنی ہی عوام کے لیے تھی۔
لیٹر آف ایڈمنسٹریشن، وراثتی سرٹیفکیٹ اجراء کی تقریب سے خطاب کرتے ہوئے وزیراعظم عمران خان کا کہنا تھا کہ مدینہ کی ریاست ایک ماڈل ریاست تھی، مدینہ کی ریاست میں انصاف اور انسانیت تھی، مدینہ کی ریاست بنی ہی عوام کے لیے تھی۔
عمران خان کا کہنا تھا کہ پیسے والے لوگوں کے لیے کوئی مسئلہ نہیں ہوتا، اوورسیز پاکستانیوں کو ہمیں کبھی بھولنا نہیں چاہیے، ہمارے قانون میں آسانیاں نہیں ہیں، مشکلات ہیں۔
انہوں نے کہا کہ قبضہ گروپ اوورسیز پاکستانیوں کی زمینوں پر قبضے کرتا ہے، زمینوں کے کیسز جو 40سال چلا کرتے تھے اب جلد حل ہوں گے، سول پروسیجر کورٹ زبردست اقدام ہے۔
وزیراعظم نے کہا کہ نئے قانون سے 2ہفتوں میں وراثتی سرٹیفکیٹ مل جائے گا، اصلاحات کا مقصد عام آدمی کی زندگی میں سہولت لانا ہے، پاکستان میں پیسے والے شخص کے لیے کوئی مسئلہ نہیں ہوتا، 2ہفتے بعدوارثتی سرٹیفکیٹ ملناشروع ہوجائیں گے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News