جنوبی افریقہ کیخلاف17رکنی ٹیسٹ اسکواڈ کا اعلان


شبین رضاویب ایڈیٹر

24th January, 2021
Square ad 300 x 250

پاکستان کرکٹ بورڈ(پی سی بی) نے جنوبی افریقہ کے خلاف پہلے ٹیسٹ کیلئے 17رکنی اسکواڈ کا اعلان کر دیا ہے۔

تفصیلات کے مطابق ٹیم میں اظہرعلی، عمران بٹ، بابراعظم،عابدعلی، فواد عالم، سعود شکیل، فہیم اشرف، محمد نواز، محمد رضوان ، سرفرازاحمد، نعمان علی، ساجد خان، یاسر شاہ، حارث رؤف، حسن علی، شاہین شاہ آفریدی اور تابش خان شامل ہیں۔

نیوزی لینڈ کے خلاف خراب کارکردگی دکھانے پر شان مسعود، نسیم شاہ، محمد عباس، ظفر گوہر اور حارث سہیل کو ٹیم سے ڈراپ کر دیا گیا ہے۔

پاکستان اور جنوبی افریقاکے درمیان کراچی ٹیسٹ منگل سے نیشنل اسٹیڈیم میں شروع ہوگا جس کے لیے دونوں ٹیموں کی نیشنل اسٹیڈیم میں بھرپور ٹریننگ جاری ہے۔