کراچی کے علاقے کورنگی میں شتر مرغ نے عوام کی دوڑیں لگوادیں۔
تفصیلات کے مطابق گذشتہ روز کراچی کےعلاقے کورنگی میں واقع چڑیا گھر سے شتر مرغ پنجرے سے بھاگ نکلا اور سڑک پر آگیا۔
شتر مرغ کو سڑک پر بھاگتا دیکھ کر شہری حیران رہ گئے اور اسے پکڑنے کی کوشش کی تو اس نے سب کی دوڑیں لگوادیں۔
بالآ خر ایک موٹر سائیکل سے ٹکرانے کے بعد شتر مرغ عوام کی گرفت میں آگیا اور کافی جدو جہد کے بعد اسے چڑیا گھر انتظامیہ کے حوالے کر دیا۔
شتر مرغ کے موٹر سائیکل سے ٹکرانے کی وجہ سے ایک شخص زخمی بھی ہو گیا۔
چڑیا گھر انتظامیہ کا کہنا ہے کہ نہ جانے کب اور کس طرح شتر مرغ پنجرے سے فرار ہو گیا۔ انتظامیہ نے شتر مرغ کو قابو کر کے واپس چڑیا گھر لانے پر شہریوں کا شکر یہ بھی ادا کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News