Advertisement
Advertisement
Advertisement

ممبران اسمبلی ایماندار اور باصلاحیت لوگوں کو ووٹ دیں،سراج الحق

Now Reading:

ممبران اسمبلی ایماندار اور باصلاحیت لوگوں کو ووٹ دیں،سراج الحق
Advertisement

امیر جماعت اسلامی سینیٹر سراج الحق نے کہا ہے کہ ممبران اسمبلی ایماندار اور باصلاحیت لوگوں کو ووٹ دیں۔

تفصیلات کے مطابق امیر جماعت اسلامی سینیٹر سراج الحق نے اپنے ایک بیان میں کہا کہ پیسے اور طاقت کے زور پر الیکشن کے عمل کو ہائی جیک کرلیا جاتاہے جبکہ اسٹیبلشمنٹ جتنی سیاست سے دور رہے گی اتنی ہی باوقار رہے گی جبکہ اعلیٰ عدالتوں سے توقع ہے کہ نظریہ ضرورت کو دفن کر کے قوم کی امنگوں کی ترجمانی کریں گی۔

امیر جماعت اسلامی نے کہا کہ کشمیر پر نیشنل ایکشن پلان کی تیاری وقت کی اہم ترین ضرورت ہے۔

سراج الحق نے یہ بھی کہا کہ الیکشن ریفارمز کے بغیر پائیدار جمہوریت کے قیام کی منزل حاصل نہیں کی جاسکتی، آنے والا دور شہزادے ، شہزادیوں کا نہیں ، ان کا ہے جن کا جینا اور مرنا ملک و قوم کے لیے ہے۔

امیر جماعت اسلامی کا کہنا تھا کہ وزیراعظم نے بیرون ملک جا کر بھارت کے حوالے سے انتہائی کمزور موقف اپنایا جبکہ کشمیر کی آزادی کے لیے نئی دہلی سرکار کے سامنے مضبوط موقف اپنانا ہوگا۔

Advertisement

 سراج الحق کا یہ بھی کہنا تھا کہ سپریم کورٹ کے سینیٹ الیکشن سے متعلق ریفرنس کے ریمارکس کا خیر مقدم کرتے ہیں، سیاسی جماعتوں کو آپس میں الیکشن ریفارمز پر مذاکرات کرنے چاہیے جبکہ سیاسی سموگ سے جان چھڑانے کے لیے قوم جماعت اسلامی کا ساتھ دے۔

 امیر جماعت اسلامی سینیٹر سراج الحق کا مزید کہنا تھا کہ فضائی آلودگی کے خاتمے کے لیے ہر شخص پودا لگائے جبکہ قوم موسم بہار کے دوران زیادہ سے زیادہ درخت لگائے جائیے۔

Advertisement

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
آرٹیکل کا اختتام
مزید پڑھیں
عدلیہ میں کسی قسم کی مداخلت برداشت نہیں کی جائےگی، چیف جسٹس
وزیر اعظم سے آل پاکستان نیوز پیپرز سوسائٹی کے وفد کی ملاقات
وفاقی حکومت نے کابینہ کی ای سی ایل کمیٹی کی تشکیل نو کردی
الیکشن کمیشن نے پی ٹی آئی کو بڑا دھچکا دے دیا
نوڈیرو ہاؤس اور ریسٹ ہاؤس لاڑکانہ صدر مملکت کی سرکاری رہائش گاہ قرار
ای سی ایل کمیٹی کی سربراہی کسی وفاقی وزیر کو نہ دینے کا فیصلہ
توجہ کا مرکز میں پاکستان سے مقبول انٹرٹینمنٹ

اگلی خبر