پاکستان میں گزشتہ ہفتے 6 فروری کو ایک یوٹیوبر و ولاگر لڑکی  دنانیرکی محض 5 سیکنڈ کی ویڈیو سوشل میڈیا پر اتنی وائرل ہوئی کہ اس کے چرچے سرحد پار بھی ہونے لگے۔

دنا نیر کی وائرل ویڈیو میں انگریزی انداز میں اردو بولنی کی وجہ سے اسے کافی سراہا گیا اور اس پر شوبز شخصیات سے لے کر سیاستدانوں، نوجوان طلبہ، عام افراد اور پیشہ ورانہ ذمہ داریاں ادا کرنے والے افراد نے بھی ویڈیوز بنائیں۔

اپنی ویڈیو کے حوالے سے برطانوی نشریاتی ادارے سے بات چیت کرتے ہوئے ولاگر دنانیر کا کہنا تھا کہ یہ ویڈیو بنانا ان کا طے شدہ منصوبہ نہیں تھا۔

اور اب اپنی ویڈیو کے وائرل ہونے سے متعلق پاوری گرل کا کہنا ہے کہ انہیں معلوم ہے کہ ‘پاوری’ نہیں پارٹی ہوتا ہے۔

انہوں نے بتایا کہ وہ اپنے دوستوں کے ساتھ نتھیا گلی کی سیر کو گئی تھیں اور کھانا کھانے کے لیے رکی تھیں تو بس اچانک ہی انہوں نے موبائل فون نکال کر ویڈیو بنائی اور اپلوڈ کر دی۔

ویڈیو جیسے انداز میں بات کرنے سے متعلق سوال پر دنانیر نے کہا یہ میرا انداز نہیں ہے، میں ایسے بات نہیں کرتی بس صرف ویڈیو بنانے کے لیے مزاحیہ انداز اختیار کیا تھا۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Dananeer | 🇵🇰 (@dananeerr)

Advertisement

وائرل ہونے والی ویڈیو سے متعلق انہوں نے مزید کہا کہ میں نے تو صرف اپنے انسٹاگرام فالوورز کو ہنسانے کے لیے ایسی ویڈیو بنائی تھی،جب میں ویڈیو اپلوڈ کررہی تھی تو اس وقت میرا وائرل ہونے کا کوئی ارادہ نہیں تھا۔

مزید پڑھیں

رومانیہ کے گلوکار بھی “پاوری گرل” کے ڈائیلاگ کے دیوانے ہوگئے

رومانیہ کے الیکٹروپاپ بینڈ ایکسنٹ کے مر کزی گلوکار ایڈرین سینا بھی...

انہوں نے مزید کہا کہ ویڈیو بنانے کا مقصد سب کو ہنسانا تھا اور وہ اس سے زیادہ ہی کرنے میں کامیاب ہوئیں۔

ہماری پاوری ہورہی ہے کی ویڈیو کے بعد دنانیر کے فالوورز کی تعداد میں اضافہ ہوا ہے اور وہ مقبول بھی ہوئی ہیں۔

اس حوالے سے ولاگر کا کہنا تھا کہ اس ویڈیو کے بعد اب میرے پاس ایک بڑا خاندان ہے جس پر میں اپنے فالوورز کی بہت شکر گزار ہوں۔

واضح رہےکہ پاوری گرل کا اصل نام دنانیرہے جو کہ پشتون نام ہے، تاہم انہوں نے اپنے انسٹاگرام پر واضح کیا ہے کہ ان کا اصل نام درست انداز میں لینا مشکل ہے، اس لیے انہیں ’جینا‘ بھی پکارا جا سکتا ہے۔