ارطغرل غازی  کے مشہور کردار عبدالرحمان الپ نے اپنے پاکستانی مداحوں کی ویڈیو شیئر کردی۔

تفصیلات کے مطابق ترک اداکار جلال ال نے اپنے سوشل میڈیا اکاؤنٹ پر پاکستانی مداحوں کی ایک ویڈیو شیئر کی ہے۔

مزید پڑھیں

ارطغرل لاہور ایئر پورٹ پر کسے ڈھونڈ رہے تھے؟ احمد بٹ نے بتا دیا

پاکستان سمیت دنیا بھر میں مقبولیت کے جھنڈے گاڑنے والے ترکی کے...

اداکار نے انسٹا گرام پر ویڈیو شیئر کرتے ہوئے لکھا کہ دیرلیش پاکستان! میں آپ سے محبت کرتا ہوں پاکستان۔

ویڈیو میں دیکھا جاسکتا ہے کہ ارطغرل ڈرامے کے مداح ایک گاڑی میں سفر کررہے ہیں اور تمام لوگوں نے قائی قبیلے کا روپ دھار رکھا ہے جبکہ بچوں نے بھی ہاتھوں میں قائی قبیلے کے جھنڈے تھامے ہوئے ہیں۔

عبدالرحمان الپ نے ویڈیو شیئر کرنے کے ساتھ ایک خوب صورت کیپشن بھی تحریر کیا ہے۔

قابلِ غور بات یہ ہے کہ انہوں نے پاکستان سے اپنی محبت کا اظہار کیا ہے جبکہ انہوں نے ویڈیو پر جو تبصرہ تحریر کیا ہے وہ ترکی اردو اور انگلش تینوں زبانوں میں لکھا ہے۔

جبکہ ویڈیو پر مزاحیہ تبصرے کرتے ہوئے جلال ال نے لکھا کہ پاکستان میں ایک عام دن۔ کون سی ٹریفک پولیس اس کار کو روک سکتی ہے۔

اداکار کی جانب سے پوسٹ کی جانے والی ویڈیو کو مداحوں کی جانب سے خوب پسند کیا جا رہا ہے۔