پاکستان سپر لیگ (پی ایس ایل) 6 کے سنسنی خیز مقابلے کے بعد پشاور زلمی نے کوئٹہ گلیڈی ایٹرز کو 3 وکٹوں سےہرا دیا۔
تفصیلات کے مطابق کراچی کے نیشنل اسٹیڈیم میں کھیلے جانے والے میچ میں کوئٹہ گلیڈی ایٹرز نے سرفراز احمد کی شاندار اننگز کی بدولت پشاور زلمی کو جیت کیلئے 199 رنز کا ہدف دیا جو زلمی نے 7 وکٹوں کے نقصان پر حاصل کرلیا۔
پشاور زلمی نے کوئٹہ گلیڈی ایٹرز کے خلاف ٹاس جیت کر فیلڈنگ کا فیصلہ کیا۔
کوئٹہ گلیڈی ایٹر نے پہلی اننگ کے مقررہ 20 اوورز میں 7 وکٹوں کے نقصان پر 198 رنز اسکور کیے۔
کپتان سرفراز احمد اور بابراعظم نے جارحانہ بیٹنگ کرتے ہوئے بولرز کے چھکے چھڑا دیے، دونوں نے چوتھی وکٹ پر 105 رنز کی قیمتی شراکت داری قائم کر کے ٹیم کو بڑے ہدف تک پہنچایا، کپتان سرفراز احمد 81 اور اعظم خان 47 رنز بناکر نمایاں رہے جس میں نصف درجن چوکے اور 2 شاندار چھکے شامل تھے۔
زلمی کی جانب سے ثاقب محمود نے 3 اور وہاب ریاض نے دو وکٹیں جبکہ محمد عرفان نے ایک وکٹ حاصل کی۔
On the roof! That's one of the biggest sixes the NSK has ever seen! 😱#HBLPSL6 | #MatchDikhao | #PZvQG pic.twitter.com/Ja6zZlwijg
— PakistanSuperLeague (@thePSLt20) February 26, 2021
جواب میں پشاور نے ہدف 19.3 اوورز میں 7 وکٹوں کے نقصان پر پورا کرلیا۔ حیدر علی 50 اور امام الحق 41 رنز بناکر نمایاں رہے۔
کوئٹہ گلیڈی ایٹرز کرس گیل کے بغیر میدان میں اتر رہی ہے۔ گلیڈی ایٹرز کی ٹیم میں تین تبدیلیاں کی گئی ہیں۔ فاف ڈوپلیسی اور ڈیل اسٹین کو ٹیم میں شامل کیا گیا ہے۔.
اس سے قبل آج کھیلے گئے میچ میں ملتان سلطانز نے لاہور قلندرز کو شکست دے کر ایونٹ میں پہلی کامیابی سمیٹی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News