امجد صابری کے بیٹے مجّدد صابری کی قوالی کی ویڈیو وائرل


ثمرا مظہرویب ایڈیٹر

26th February, 2021
Square ad 300 x 250

پاکستان کے معروف ترین قوال امجد صابری کے بڑے صاحبزادے مجّدد صابری کی قوالی کی ویڈیو سوشل میڈیا پر وائرل ہوگئی۔

تفصیلات کے مطابق امجد صابری نے اپنی قوالی سے لاکھوں دلوں پر راج کیا اور اب ان کے بڑے بیٹے مجدد صابری بھی والد کے نقش قدم پر چل رہے ہیں۔

مجّدد صابری نے اپنے آفیشل انسٹاگرام اکاؤنٹ پر ایک محفل کی ویڈیو شیئر کی جس میں وہ مرحوم امجد صابری کی طرح اپنی سحر انگیز آواز میں قوالی پڑھ رہے ہیں ۔

ویڈیو سوشل میڈیا پر اپ لوڈ ہونے کے بعد وائرل ہوگئی اور لوگوں کی بڑی تعداد نے مجدد صابری کی آواز کو خوب سراہا۔

پوسٹ کے کیپشن میں مجدد صابری نے لکھا کہ قوالی کا نام ’سخی لجپال حسینؑ‘ ہے اور مداحوں کو مخاطب کرتے ہوئے لکھا کہ ’میری قوالی کی مکمل ویڈیو میرے یوٹیوب چینل پر ہے‘۔

خیال رہے کہ شہرہ آفاق قوال امجد صابری کو 16 رمضان 22 جون 2016 کو نامعلوم افراد نے فائرنگ کرکے قتل کردیا تھا۔ امجد صابری کے سر پر گولیاں لگنے سے ان کی موت واقع ہوئی تھی۔