اسپیکر قومی اسمبلی اسد قیصر نے کہا ہے کہ ملک ترقی کی راہ پر گامزان ہے،عوام کو تھوڑی بہت مشکلات کا سامنا کرنا پڑے گا۔

صوابی گاڑ میں گیس منصوبے کے افتتاح کے بعد تقریب سے خطاب کرتے ہوئے اسپیکر قومی اسمبلی اسد قیصر کا کہنا تھا کہ مہنگائی کی وجہ سے عوام پریشان ہیں، لیکن یہ حال 70 سال سے حکومت میں رہنے والوں کی وجہ سے ہیں۔

انہوں نے کہا کہ جب ہم نے اقتدار سنبھالا تو پی آئی اے اور اسٹیل مل سمیت تمام ادرے خسارے میں تھے، تنخواہ دینے کے پیسے حکومت کے پاس نہیں تھے، پھر چین، دبئی اور دیگر دوست ملکوں کی امداد سے ملک کی معشیت سنھبلی، ملک اب ترقی کی راہ پر گامزان ہے، جس کے لئے تھوڑی بہت مشکلات کا سامنا کرنا پڑے گا، پیسے کمیشن اور اپنے آپ کو بیچنے والوں پر لعنت بیجتا ہوں۔