سابق صدر آصف علی زرداری کی بڑی صاحبزادی بختاور بھٹو نے اپنی شادی کی نئی تصاویر پوسٹ کر دیں۔

تفصیلات کے مطابق بختاور بھٹو نے انسٹاگرام پر اپنی شادی کی تصویر پوسٹ کی ہے۔

مزید پڑھیں

بختاوربھٹو کی آصف ذرداری کے ہمراہ منگنی کی ویڈیو وائرل ہو گئی

سابق وزیراعظم شہید بے نظیر بھٹو اور سابق صدر آصف علی زرداری...

اس سے قبل بختاور بھٹو کی شادی کا ڈریس ڈیزائن کرنے کی ویڈیو بھی پوسٹ کی گئی تھی۔

واضح رہے بختاور بھٹو نے اپنی شادی کی ویڈیو سوشل میڈیا پر شیئر کی تھی۔

انسٹاگرام پر جاری کی گئی اس ویڈیو میں دیکھا جا سکتا ہے کہ بختاور بھٹو  کے والد اور سابق صدر آصف علی زرداری نے دولہا اور دلہن کے سامنے آئینہ رکھ کر منہ دکھائی کی رسم ادا کی۔

بختاور بھٹو نے ویڈیو کے ساتھ اپنے پیغام میں لکھا کہ یہ وہی آئینہ ہے جو میرے والدین کی شادی میں استعمال ہوا تھا۔

ویڈیو میں دیکھا جا سکتا ہے کہ منہ دکھائی کی رسم میں دولہا اور دلہن دونوں کے چہروں پر مسکراہٹ ہے۔

واضح رہےکہ 25 جنوری سے شروع ہونے والی بختاور بھٹو کی شادی کی مختلف تقریبات بلاول ہاؤس کراچی میں منعقد ہوئی تھیں۔

محمود چوہدری سے رشتہ ازدواج میں منسلک ہونے والی سابق وزیراعظم شہید محترمہ بینظیر بھٹو کی بڑی صاحبزادی بختاور کی شادی کی تقریبات کے کافی چرچے ہوئے۔

انہوں نے اجرک کے ڈیزائن کی مہندی لگوائی تھی جبکہ مہندی کے دوپٹے پر بھی انہوں نے والدہ کے لیے پڑھی جانی والی نظم لکھوائی تھی۔