سینیٹ الیکشن کے حوالے سے پی ڈی ایم کے تمام معاملات طے پا گئے۔

تفصیلات کے مطابق سینیٹ الیکشن میں حکمت عملی سے متعلق پشاور میں ہمایوں خان کی رہائش گاہ پر اجلاس ہوا، اجلاس میں جماعت اسلامی نے بھی پی ڈی ایم کی حمایت کا اعلان کر دیا ۔

اجلاس میں مسلم لیگ ن کی طرف سے عباس آفریدی اور میاں عالمگیر شاہ ،پیپلز پارٹی کی طرف سے فرحت اللہ بابر محمد علی شاہ باچہ  اور احمد کریم کنڈی شریک ہوئے۔

زرائع کے مطابق اجلاس میں جے یو آئی کی طرف سے مولانا لطف الرحمان اور محمود احمد بیٹنی ،عوام نیشنل پارٹی کی طرف سے حاجی ہدایت اللہ خان اور سردار حسین بابک جبکہ جماعت اسلامی کی طرف سے عنایت اللہ خان شامل ہوئے۔

اجلاس میں طے پایا کہ مسلم لیگ ن ، جے یو آئی اور عوامی نیشنل پارٹی  جنرل نشستوں پر الیکشن لڑیں گی، پیپلزپارٹی ٹیکنوکریٹ اور جماعت اسلامی خواتین کی نشست پر سینیٹ الیکشن لڑے گی۔

اس موقع پر پارلیمانی لیڈر جماعت اسلامی عنایت اللہ خان کا کہناتھا کہ جماعت اسلامی بھی اپوزیشن جماعتوں کوسپورٹ کرے گی اور‏سینیٹ الیکشن میں جماعت اسلامی اپوزیشن کےامیدواروں کوووٹ دےگی۔

عنایت اللہ خان نے کہا کہ ‏ن لیگ،جے یو آئی ،اےاین پی  امیدوارجنرل نشستوں پرانتخابات لڑیں گے۔

‏ پارلیمانی لیڈر جماعت اسلامی نے مزید کہا کہ پیپلزپارٹی ٹیکنوکریٹ، جماعت اسلامی خواتین کی نشست  پرسینیٹ  الیکشن لڑےگی،پی ڈی ایم خیبرپختونخواہ سے سینیٹ انتخابات میں پانچوں نشستیں جیتنے کے لیئے پر امید ہے ۔