مائیکروسافٹ کے بانی بل گیٹس نے دو مزید بڑی آفات کے متعلق دنیا کو خبردار کر دیا ہے۔
خبر ایجنسی کے مطابق مستقبل میں آنے والی دو وبائیں کورونا وائرس کی وباءسے بھی زیادہ خطرناک ثابت ہو سکتی ہیں۔
بل گیٹس نے 2015ءمیں کورونا وائرس کی پیش گوئی کی تھی جو بالکل درست ثابت ہوئی۔
کورونا وائرس کی پیش گوئی کرتے ہوئے بل گیٹس نے کہا تھا کہ ’ایک ایسی وباءدنیا میں پھیل سکتی ہے کہ لوگ اس وائرس سے متاثرہ ہوں گے لیکن وہ خود کو صحت مند سمجھیں گے‘۔
حال ہی میں ایک انٹرویو کے دوران بل گیٹس نے کہا ہے کہ دنیا کو اگلی جن دو آفات کا سامنا ہو سکتا ہے وہ موسمیاتی تبدیلیاں اور بائیو دہشت گردی ہے اور ہم ان دونوں آفات کے لیے بالکل بھی تیار نہیں ہیں۔
انہوں نے کہا کہ ’اگر اگلی چند دہائیوں میں کوئی چیز 1کروڑ لوگوں کو موت کے گھاٹ اتار سکتی ہے تووہ میزائل نہیں بلکہ مائیکروبز ہیں ‘۔
انہوں نے کہا کہ ’ہمیں موسمیاتی تبدیلیوں اور دہشت گردی کی ایسی وارداتوں سے سب سے زیادہ خطرہ ہے جن میں بائیو ویپنز استعمال کیے جا سکتے ہیں‘۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News