مشیر تجارت عبدالرزاق داؤد نے کہا ہے کہ حکومت کی پالیسی دنیا میں پاکستان کے برینڈ کو تحفظ دینا ہے۔
تفصیلات کے مطابق مشیر تجارت عبدالرزاق داؤد کی زیر صدارت حقوق دانش ایکو سسٹم پر اجلاس ہوا۔
وزارت تجارت حکام نے بریفنگ دیتے ہوئے کہا کہ پاکستان ورلڈ انٹلیکچول پراپرٹی آرگنائزیشن کے ٹریڈ مارک کے میڈرڈ سسٹم میں شامل ہوگیا ہے۔
بریفنگ میں کہا گیا کہ صدر نے الحاق کیلئے دستاویزپردستخط کردیے ہیں جس سے میڈرڈ سسٹم میں شامل ہونے کے لئے دنیا کا 108 واں ملک بننے کی راہ ہموار ہوگئی۔
وزارت تجارت حکام نے یہ بھی کہا کہ اقوام متحدہ میں پاکستان کے مستقل نمائندہ نے ڈبلیو آئی پی او کے ساتھ الحاق کی دستاویز جمع کرائی اور اس ڈویلپمنٹ سے پاکستان کے ٹریڈ مارک کو 100 ممالک میں تحفظ حاصل ہوگا۔
اعلامیے میں کہا گیا ہے کہ ٹریڈ مارک کے تحفظ کیلئے ڈبلیو آئی پی او کو ایک درخواست دینی ہوگی جبکہ میڈرٹ روٹ کے باعث دیگر ممالک کے ٹریڈ مارک کو بھی پاکستان میں تحفظ ملے گا۔
اجلاس میں مشیر تجارت عبدالرزاق داؤد کی جانب سے اس ڈویلپمنٹ پر آئی پی او کو سراہا گیا۔
مشیر تجارت عبدالرزاق داؤد نے کہا کہ حکومت کی پالیسی دنیا میں پاکستان کے برینڈ کو تحفظ دینا ہے جبکہ یہ ایکسپورٹ کو فروغ دینے کا ایک بہترین اورمستحکم راستہ ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News