وزیرداخلہ شیخ رشید نے کہا ہے کہ عمران خان کی حکومت ایک لبرل حکومت ہے۔
تفصیلات کے مطابق وزیرداخلہ شیخ رشید نے اوجی ڈی سی ایل کے مسیحی ملازمین کی تقریب سے خطاب کرتے ہوئے کہا کہ مسیحی محب وطن اور پرامن لوگ ہیں، ہماری کوشش ہے کہ پاکستان میں تمام مذاہب کے لوگ اپنے عقیدے کو چھوڑیں نا اور کسی کے عقیدے کو چھیڑیں نا۔
وزیرداخلہ نے کہا کہ پاکستان میں مسیحی بھائی اپنی مذہبی رسومات بڑی آسانی اور خوشی سے ادا کرسکتے ہیں جبکہ ہندوستان میں مسلمان عیسائی اور بدھ مت بھی شدید تنگ ہیں۔
وزیرداخلہ شیخ رشید نے یہ بھی کہا کہ 4 مارچ سے عمران خان کے سیاسی ستارے عروج پر ہیں جبکہ کسی کو غلط گہمی ہے وہ دور کرلے کیونکہ عمران خان سینیٹ الیکشن میں سرخرو ہوں گے۔
وزیرداخلہ کا کہنا تھا کہ مریم نواز 2018 سے ای سی ایل پر ہیں، ان کے پاسپورٹ یا ان کی درخواست کوئی معنی نہیں رکھتے۔
شیخ رشید کا یہ بھی کہنا تھا کہ ہم اسلام آباد پولیس کو ماڈرنائیز کرنے جارہے ہیں، پی ڈی ایم آنا چاہے تو شوق سے آئے مگر اسلام آباد والوں کو تنگ نہ کریں تو اسلام آباد والے بھی انہیں تنگ نہیں کریں گے۔
وزیرداخلہ شیخ رشید کا مزید کہنا تھا کہ مسنگ پرسن پر قانون سازی کی جائے گی جبکہ عمران خان نے بھی مسنگ پرسن کے حوالے سے قانون سازی کا کہا ہے، مسنگ پرسنزکے معاملے پر 15دنوں میں قانون سازی کریں گے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News