چیئرمین پیپلز پارٹی بلاول بھٹو زرداری اور مسلم لیگ ن کی نائب صدر مریم نواز کی آج اہم ملاقات ہو گی۔
تفصیلات کے مطابق مسلم لیگ ن کی ترجمان مریم اورنگزیب نے کہا ہے کہ چیئرمین پیپلز پارٹی بلاول بھٹو آج ساڑھے 12 بجے رائیونڈ جائیں گے اور مریم نواز اور بلاول بھٹو کی ملاقات ہوگی۔
ان کا کہنا تھا کہ بلاول بھٹو زرداری کے ہمراہ پیپلز پارٹی کا وفد بھی رائیونڈ آئے گا، مسلم لیگ (ن) کے سینئر رہنما بھی ملاقات میں شرکت کریں گے۔
ن لیگی ترجمان نے مزید کہا کہ ملاقات میں مجموعی صورتحال اور سینیٹ انتخابات پر تبادلہ خیال کیا جائے گا۔
گذشتہ روز بھٹو زرداری لاہور پہنچے تھے ،جہاں وہ سینیٹ انتخابات کی تیاریوں کے سلسلے میں تین دن قیام کریں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News