رمضان المبارک سے پہلے ہی ملک میں چینی کی شدید قلت

ثمرا مظہر

27th Feb, 2021. 07:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رمضان المبارک سے پہلے ہی ملک میں چینی کی شدید قلت

رمضان المبارک سے پہلے ہی ملک میں چینی کی شدید قلت ہوگئی۔

ذرائع کے مطابق ملک بھر کے یوٹیلٹی اسٹورز پر گزشتہ 2 روز سے چینی غائب ہے جس کے باعث شہری اوپن مارکیٹ سے 30 سے 35 روپے مہنگی چینی خریدنے پر مجبور ہوگئے ہیں۔

ذرائع یوٹیلٹی اسٹورز کے مطابق حکومت نے یوٹیلٹی اسٹورز پر چینی کی قیمت 68 روپے فی کلو مقرر کررکھی ہے، ملک بھر کے یوٹیلٹی اسٹورز پر گزشتہ 2 روز سے چینی کی قلت ہے۔

ذرائع کے مطابق یوٹیلٹی اسٹورز حکام کو آئندہ 7 روز تک چینی نہ ہونے کا بتایا گیا ہے تاہم ایم ڈی یوٹیلیٹی اسٹورز نے کہا ہے کہ سوموارتک چینی اسٹورز پر پہنچ جائیگی۔

عمر لودھی نے کہا کہ یوٹیلیٹی اسٹورزپر چینی سبسڈائز ریٹ پر ہے اس لیے چند اسٹورز پر کمی ہو جاتی ہے، یوٹیلیٹی اسٹورز کارپوریشن عوام کو سہولت دینے کیلئے ہر ممکن کام کر رہی ہے۔