وزیر اطلاعات شبلی فراز نے کہا ہے کہ مریم نواز کی باتیں لغو اور فضول ہیں۔

تفصیلات کے مطابق وزیر اطلاعات شبلی فراز نے اپنے ایک بیان میں کہا کہ کل اتحادی اور ہمارے ارکان پہلے سے زیادہ تعدادمیں تھے۔

شبلی فراز نے کہا کہ ہم ہار گئے تو ٹھیک،اعتماد کا ووٹ ملاتومتنازع ہوگیا جبکہ یہ کس نےکہا کہ انہیں اکثریت حاصل ہے۔

وزیر اطلاعات نے یہ بھی کہا کہ قوم نےدیکھاایک امیدوارکے بیٹے نے ووٹ خرید کر الیکشن کیسےجیتا۔

شبلی فراز کا کہنا تھا کہ یوسف رضا گیلانی کو سینیٹ چیئرمین کی نامزدگی چھوڑ دینی چاہیے کیونکہ گیلانی اور ان کے بیٹے اور پیپلزپارٹی نےسینیٹ الیکشن پر اربوں روپے لگائے۔

وزیر اطلاعات شبلی فراز کا مزید کہنا تھا کہ ہمیں کوئی یہ نہ بتائےکہ اخلاقیات کی بات کر رہے،ہم نے20 ارکان نکالے تھے، ہم عنقریب اس سےزیادہ شفاف چیزیں الیکشن کمیشن میں لے جائیں گے۔