پاکستان ڈیموکریٹک موومنٹ ( پی ڈی ایم ) کے سربراہ مولانا فضل الرحمان کا کہنا ہے کہ جن کو ووٹ ڈالنے کا طریقہ نہیں آتا وہ لوگ ملک پر حکومت کر رہے ہیں، الیکشن کمیشن نے فیصلہ سنادیا ہے اب اس کو چیلنج کرنے کا اعلان کوئی حیثیت نہیں رکھتا۔
مولانا فضل الرحمان نے میڈیا سے گفتگو کرتے ہوئے کہا ہے کہ سینیٹ انتخابات کے تمام مراحل میں قومی اسمبلی کے مقابلے پر پوری قوم کی نظر تھی، قومی اسمبلی کا نتیجہ حکومت اور اپوزیشن کی کامیابی کا معیار ٹھہرا تھا، پی ڈی ایم امیدوارکی کامیابی ثابت کرچکی ہے کہ اڑھائی سال سے ملک میں جعلی حکومت ہے۔
مولانا فضل الرحمان کا کہناتھا کہ عمران خان قومی اسمبلی میں اکثریت کھوچکے ہیں، اب وہ شکست تسلیم کرکے اسمبلیاں تحلیل کریں اور دوبارہ انتخابات کرائیں،عمران خان ووٹ کے ساتھ خود بھی ضائع ہوچکے ہیں اور ان کے پاس استعفے کے سوا کوئی راستہ نہیں۔
سربراہ پی ڈی ایم نےاس موقع پر یوسف رضا گیلانی کی کامیابی پر اپوزیشن کی تمام جماعتوں کومبارکباد دی اور کہا کہ لانگ مارچ کے حوالے سے آئندہ کی حکمت عملی پی ڈی ایم سربراہی اجلاس میں طے کریں گے۔
مولانا فضل الرحمان کا مطالبہ کرتے ہوئے کہنا تھا کہ ہم نئے انتخابات چاہتے ہیں، سینیٹ انتخابات کا مرحلہ اب مکمل ہوگیا۔
سربراہ پی ڈی ایم نےمزید کہا کہ عمران خان اعتماد کا ووٹ لینے کا ڈرامہ نہ کریں اور مستعفی ہوں، ان کے خلاف ایوان نے فیصلہ دے دیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News