شہزادہ ہیری اور اہلیہ میگھن کے انٹرویو پر ملکہ برطانیہ نے بالاآخر خاموشی توڑ دی ہے،برطانوی شاہی محل بکنگھم پیلس سے ملکہ برطانیہ الزبتھ دوم کا پیغام جاری کیا گیا ہے۔
ملکہ برطانیہ الزبتھ دوم کا کہنا ہے کہ انہیں جوڑےکو چند سال سے درپیش چیلنجز کا سن کر دکھ ہوا، شہزادہ ہیری کے الزامات کا معاملہ نجی طور پر نمٹایا جائے گا۔
ملکہ برطانیہ نے کہا کہ جوڑے کی جانب سے جو مسائل اٹھائے گئے ہیں خصوصاً نسل سے متعلق وہ تشویشناک ہے،کچھ چیزیں مختلف ہوسکتی ہیں مگر انہیں بہت سنجیدگی سےلیا جا رہا ہے۔
ملکہ برطانیہ الزبتھ دوم نے مزید کہا کہ ہیری ،میگھن اور ان کے بیٹے آرچی کوبطور فیملی ممبر ز ہمیشہ چاہاجائےگا۔
واضح رہےکہ میگھن مارکل اور شہزادہ ہیری کے حالیہ نشر ہونے والے انٹرویو میں میگھن نے شاہی خاندان کے کئی راز افشا کیے ہیں جنہوں نے تہلکہ مچادیا ہے۔
میگھن مارکل کا کہنا تھا کہ وہ آزاد ماحول میں گفتگو کرتے ہوئے اچھا محسوس کررہی ہیں کہ کوئی ان کی ٹوہ میں نہیں ہے، شاہی خاندان کی جانب سے مجھے تحفظ نہیں ملا، شاہی خاندان کو یہاں تک تحفظات تھے کہ شا دی کے بعد ہمارے بچے کی رنگت کتنی کالی ہو گی۔
میگھن مارکل نے بتایا تھا کہ شاہی خاندان کا حصہ بننے کے بعد مجھے خاموش کرا دیا گیا، نہیں جانتی تھی کہ شاہی خاندان کا فرد ہونا کیسا ہوتا ہے، میں مزید زندہ نہیں رہناچاہتی تھی، میری کردار کشی کی گئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News