بین الاقوامی مسافروں کی پاکستان آمد سے متعلق کورونا ایس او پیز میں 18 مارچ تک توسیع کر دی گئی ہے۔

تفصیلات کے مطابق کورونا وائرس کی نئی لہر کے پیش نظر سول ایوی ایشن اتھارٹی (سی اے اے) نے ٹریول ایڈوائزری میں توسیع کر دی ہے۔

سی اے اے کی جانب سے جاری کیے گئے نئے نوٹیفکیشن کے مطابق کیٹیگری سی کےممالک کی تعداد 8 رکھی گئی ہے جس میں برطانیہ، جنوبی افریقہ، آئر لینڈ، برازیل، پرتگال، نیدرلینڈ، بوٹسوانا اور زیمبیا  شامل ہیں۔

نوٹیفکیشن کے مطابق سی کیٹیگری ممالک کے شہریوں کی پاکستان آمد پر عارضی سفری پابندی برقرار ہے، سی کیٹیگری کے مسافروں کے لیے کورونا نیگیٹو ٹیسٹ رپورٹ اور سی اے اے کا این سی او سی  لازمی قرار دیا گیا ہے۔

نوٹیفکیشن کے مطابق کیٹیگری اے میں آسٹریلیا، چین، سعودی عرب، قطر سمیت 24 ممالک شامل ہیں، کیٹیگری اے اور سی کے علاوہ باقی تمام ممالک کیٹیگری بی میں شامل ہیں۔

کیٹیگری بی ممالک سے آنے والوں کو مسافروں کو سفر سے قبل کروونا ٹیسٹ لازمی کروانا ہو گا، ڈائریکٹر ایئرٹرانسپورٹ  نے ایس اوپیز سے متعلق نوٹیفیکشن جاری کردیا۔