پاکستان پیپلزپارٹی کے مرکزی رہنما سید خورشید احمد شاہ نے کہا ہے کہ موجودہ حکومت علی بابا چالیس چوروں کا ٹولہ ہے۔

تفصیلات کے مطابق آمدن سے زائد اثاثہ جات کیس میں پی پی رہنما سید خورشید احمد شاہ نے احتساب عدالت کے باہر میڈیا سے گفتگو کرتے ہوئے کہا کہ موجودہ حکومت نے ملک میں مہنگائی اور بےروزگاری کے علاوہ عوام کو دیا کیا ہے۔

پی پی رہنما نے کہا کہ حکمران جماعت یہ کہتی ہے کہ سینیٹ میں امیروں کو ہی ٹکٹ دیا جائے تاکہ وہ کرپشن نہ کرسکیں جبکہ سب سے زیادہ کرپشن تو یہ امیر لوگ ہی کرتے ہیں۔

سید خورشید احمد شاہ نے یہ بھی کہا کہ پیپلز پارٹی اور ن لیگ کے سینیٹر جانے پہچانے ہیں جبکہ شیری رحمان، فاروق نائیک، شہادت اکرم اعوان اور ن لیگ کے سینیٹر کو عوام جانتے ہیں۔

پی پی رہنما کا کہنا تھا کہ عمران خان بتائیں کہ سندھ میں سینیٹر سیف اللہ ابڑو کو 35 کروڑ میں ٹکٹ بیچا گیا، یہ ہم نہیں کہتے کہ سیف اللہ ابڑو کو ٹکٹ بیچا گیا یہ خود ان کے عہدیداران کہہ رہے ہیں۔

سید خورشید احمد شاہ کا یہ بھی کہنا تھا کہ حکومت کے چھیالیس ووٹ ہیں ہم چاہتے ہیں کہ یہ حکومت اپنی مدت پوری کرے مگر یہ لوگ خود نہیں چاہتے یہ لوگ ملکی مسائل پر بیٹھ کر بات کرنے تک تیار نہیں ہیں۔

پاکستان پیپلزپارٹی کے مرکزی رہنما سید خورشید احمد شاہ کا مزید کہنا تھا کہ وزیراعظم نے جو اعتماد کا ووٹ لیا ہیے وہ غیرآئینی اور غیر قانونی ہے جبکہ سینیٹ انتخابا ت کے بعد پی ڈی ایم چیئرمین سینیٹ اور اس کے بعد پنجاب اسمبلی کی پیش قدمی کرے گی۔