معاون خصوصی برائے اطلاعات پنجاب فردوس عاشق اعوان نے کہا ہے کہ عمران خان نے ایک میچ نہیں بلکہ سیریز جیتی ہے۔

تفصیلات کے مطابق چیئرمین سینیٹ کے انتخاب میں صادق سنجرانی کی کامیابی کے بعد معاون خصوصی برائے اطلاعات پنجاب فردوس عاشق اعوان نے پریس کانفرنس کرتے ہوئے کہا کہ پی ڈی ایم کی صفوں میں انتشار پھیل چکا ہے۔

معاون خصوصی برائے اطلاعات پنجاب فردوس عاشق اعوان نے مزید کہا کہ اپوزیشن نے جمہوریت کو آج خود نقصان پہنچایا ہے جبکہ یوسف رضا گیلانی نے آج اپنا ہی بویا ہوا کاٹا ہے۔

دوسری جانب سماجی رابطے کی ویب سائٹ ٹویٹر پر اپنے پیغام میں معاون خصوصی وزیراعلٰی پنجاب ڈاکٹر فردوس عاشق اعوان نے صادق سنجرانی کو چیئرمین سینیٹ اور مرزا آفریدی کو ڈپٹی چیئرمین سینیٹ منتخب ہونے پر مبارکباد پیش کی۔

اپنے پیغام میں ڈاکٹر فردوس عاشق اعوان نے کہا کہ وزیراعظم عمران خان کے نامزد کردہ امیدوار صادق سنجرانی کا چیئرمین سینیٹ منتخب ہونا عمران خان اور انکے موقف کی فتح ہے۔

وَتُعِزُّ مَن تَشَاءُ وَتُذِلُّ مَن تَشَاءُۖ

وزیراعظم عمران خان کے نامزد کردہ امیدوار صادق سنجرانی کا چیئرمین سینیٹ منتخب ہونا عمران خان اور انکے موقف کی فتح ہے! ایوان بالا کے باضمیر سینیٹرز نے PDM کی مفاد پرست، لوٹ مار اور اداروں کے خلاف سیاست کو ہمیشہ کیلئے دفن کردیا!

— Dr. Firdous Ashiq Awan (@Dr_FirdousPTI) March 12, 2021

ڈاکٹر فردوس عاشق اعوان نے یہ بھی کہا کہ ایوان بالا کے باضمیر سینیٹرز نے  پی ڈی ایم کی مفاد پرست، لوٹ مار اور اداروں کے خلاف سیاست کو ہمیشہ کیلئے دفن کردیا۔

اپنے ایک اور پیغام میں معاون خصوصی برائے اطلاعات پنجاب فردوس عاشق اعوان نے کہا کہ مرزا آفریدی کو ڈپٹی چیئرمین سینیٹ منتخب ہونے پر مبارکباد دیتے ہوئے کہا کہ وزیراعظم عمران خان کے نامزد کردہ امیدوار مرزا آفریدی کا 44 کے مقابلے میں 54 ووٹس لے کر ڈپٹی چیئرمین سینیٹ منتخب ہونا پی ڈی ایم کے منہ پر زناٹے دار طمانچہ ہے۔

مرزا آفریدی کو ڈپٹی چیئرمین سینیٹ منتخب ہونے پر مبارکباد: وزیراعظم عمران خان کے نامزد کردہ امیدوار مرزا آفریدی کا 44 کے مقابلے میں 54 ووٹس لے کر ڈپٹی چیئرمین سینیٹ منتخب ہونا PDM کے منہ پر زناٹے دار طمانچہ ہے!

— Dr. Firdous Ashiq Awan (@Dr_FirdousPTI) March 12, 2021