بھارت میں کسانوں کا احتجاج شدید نوعیت اختیار کرگیا۔
خبر رساں ایجنسی کے مطابق بھارت میں متنازع زرعی قوانین کے خلاف جاری کسانوں کے احتجاج کے باعث ٹرین سروس بھی بری طرح متاثر ہوئی ہے۔
بھارت میں کسانوں نے ہریانا اور پنجاب کے متعدد مقامات پر دھرنے دیے ہوئے ہیں جس کے باعث مختلف شاہراہیں بلاک ہیں۔
متنازع زرعی قوانین کے خلاف کسانوں کی جانب سے بھارتی دارالحکومت نئی دہلی اور اتر پردیش کے درمیان غازی پور بارڈر پر بھی دھرنا جاری ہے جس کے باعث متعدد ٹرین سروسز منسوخ ہو گئی ہیں۔
خبرایجنسی کے مطابق بھارت بھر میں سبزیوں اور دودھ کی فراہمی بھی بند رکھنے کا اعلان کیا گیا ہے۔
واضح رہے کہ بھارت میں متنازع زرعی قوانین کے خلاف کسانوں کا احتجاج 26 نومبر سے نئی دہلی کے بارڈر پر جاری ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News