آرمی چیف جنرل قمر جاوید باجوہ کی  برطانوی ہائی کمشنر سے ملاقات ہوئی ہے۔

پاک فوج کے شعبہ تعلقات عامہ ( آئی ایس پی آر) کے مطابق آرمی چیف جنرل قمر جاوید باجوہ کی  برطانوی ہائی کمشنر سے ملاقات میں باہمی دلچسپی کے امور اور خطے کی سیکیورٹی صورتحال کے حوالے سے تبادلہ خیال کیا گیا جبکہ افغان امن عمل پر بھی بات چیت کی گئی۔

یاد رہے اس سے قبل آرمی چیف جنرل قمر جاوید باجوہ نے راولپنڈی میں لاجسٹک تنصیبات کا دورہ کیا تھا جس میں مختلف سہولیات کا جائزہ لیا۔

آئی ایس پی آر کا کہنا تھا کہ دورے میں آرمی چیف کو گاڑیوں کی مینٹیننس اور اپ گرایڈیشن میکنزم پر بریفنگ دی گئی۔

آئی ایس پی آر کا مزید کہنا تھا کہ دورے میں آرمی چیف جنرل قمر جاوید باجوہ نے لاجسٹک ورکشاپ کی کارکردگی کو سراہا۔