پاکستان پیپلز پارٹی کے چیئرمین بلاول بھٹو زرداری کا کہنا ہے کہ کامیابی کے سو باپ اور ناکامی یتیم ہوتی ہے، اس کامیابی پر آپ سب کو مبارکباد دیتا ہوں۔
اسلام آباد میں ہونے والے پی ڈی ایم کے سربراہی اجلاس سے خطاب کرتے ہوئے بلاول بھٹو نے کہا کہ جیسا کہ آپ لوگ چاہتے تھے کہ ہم ضمنی انتخاب اور سینیٹ الیکشن کا بائیکاٹ کرتے تو خود سوچیں ہم کہاں کھڑے ہوتے؟
انہوں نے کہا کہ جمہوری قوتوں کو یوسف رضا گیلانی کی جیت سے امید ملی ہے، چیئرمین سینیٹ کا الیکشن جیت کر ایک اور فتح اپنے نام کرنا چاہتے ہیں۔
بلاول بھٹو نے مزیہد کہا کہ ہمیں سینیٹ میں عددی برتری ثابت کرنے کاچیلنج دیا گیا اور ہم اس میں سرخرو ہوئے، پاکستان پیپلزپارٹی پی ڈی ایم کے روڈ میپ کے ساتھ پرعزم ہے۔
خیال رہے کہ پی ڈی ایم کے سربراہی اجلاس میں بلاول بھٹو، مریم نواز سمیت سیاسی جماعتوں کے سربراہان شریک ہوئے۔
پاکستان پیپلزپارٹی کے وفد میں یوسف رضا گیلانی، راجہ پرویز اشرف، نیئر بخاری، فرحت اللہ بابر، شیری رحمان اور قمر زمان کائرہ شامل تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News