پاکستان پیپلزپارٹی کے چیئرمین بلاول بھٹو زرداری نے پاکستان مسلم لیگ قائد اعظم (ق) کے سربراہ چوہدری شجاعت حسین اور اسپیکر پنجاب اسمبلی چوہدری پرویز الٰہی سے ملاقات کی۔

ملاقات میں بلاول بھٹو چیئرمین سینیٹ کے الیکشن میں یوسف رضا گیلانی کیلئے حمایت بھی مانگی لیکن انہیں چیئرمین سینیٹ انتخاب کے لیے ق لیگ کا تعاون نہ مل سکا۔

اس موقع پر چوہدری برادران نے سینیٹ میں حمایت کرنے سے صاف انکار کیا۔

چوہدری پرویز الٰہی نے کہا کہ بلاول ہمارے گھر آئے ان کی عزت کرتے ہیں۔

اسپیکر پنجاب اسمبلی چوہدری پرویز الٰہی نے مزید کہا کہ حکومت کے اتحادی ہیں ان سے پہلے ہی وعدہ کر چکے ہیں اور ہمارا شیوہ نہیں کے کسی سے ایسا وعدہ کرلیں جو ہمارے اصولوں کے خلاف ہو۔

ملاقات میں پی پی وفد میں قمر زمان کائرہ اور سید حسن مرتضیٰ  موجود تھے جبکہ ق لیگ کی جانب سے طارق بشیر چیمہ، مونس الٰہی، سالک حسین اور حسین الٰہی شریک ہوئے۔