نیب کی جانب سے قومی اسمبلی میں اپوزیشن لیڈر و مسلم لیگ (ن) کے صدر شہباز شریف کے خلاف انکوائری کی منظوری دے دی گئی۔

تفصیلات کے مطابق چیئرمین نیب جاوید اقبال کی زیر صدارت نیب ایگزیکٹو بورڈ کا اجلاس ہوا، اجلاس میں میگا کرپشن کیسز میں پیشرفت کا جاٸزہ لیا گیا۔

اجلاس میں ڈپٹی چیئرمین نیب، پراسیکیوٹر جنرل ، ڈی جی نیب راولپنڈی سمیت دیگر حکام شریک ہوئے۔

اجلاس کے دوران نیب ایگزیکٹیو بورڈ نے 2 ریفرنسز دائر کرنے کی منظوری دے دی جبکہ 8 انکوائریز کی منظوری بھی دی گئی۔

نیب اعلامیے کے مطابق سابق چیئرمین کیپیٹل ڈویلپمنٹ اتھارٹی (سی ڈی اے) امتیاز عنایت الٰہی کے خلاف بدعنوانی کاریفرنس دائر کرنے کی منظوری دی گئی ہے۔

اس کے علاوہ سابق ڈی جی پارکس اینڈہارٹی کلچرکراچی لیاقت علی خان کے خلاف بھی بدعنوانی کاریفرنس دائرکرنے کی منظوری دی گئی ہے۔

اعلامیے میں بتایا گیا ہے کہ نیب ایگزیکٹو بورڈ اجلاس میں 8 انکوائریز کی منظوری دی گئی جس میں شہباز شریف کے خلاف انکوائری کی منظوری بھی شامل ہے۔

نیب اعلامیے میں مزید بتایا گیا کہ سابق وزیر خزانہ اسحاق ڈار اور سابق وفاقی وزیر اکرم درانی کے خلاف انکوائری کو عدم ثبوت پر بند کرنے کی منظوری دی گئی ہے۔