محکمہ موسمیات نے کراچی کے موسم سے متعلق نئی پیشگوئی کردی

ثمرا مظہر

21st Apr, 2021. 09:39 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

محکمہ موسمیات نے کراچی کے موسم سے متعلق نئی پیشگوئی کردی

محکمہ موسمیات نے کراچی کے موسم سے متعلق نئی پیشگوئی کردی ہے۔

محکمہ موسمیات کا کہنا ہے کہ کراچی کے موسم میں اچانک تبدیلی آگئی ہے، خشک اور گرد آلود ہواؤں نے شہر کا رخ کرلیا ہے۔

اس وقت شہر میں شمال مغرب سے گرد آلود تیز ہواؤں کا سلسلہ جاری ہے جس کی رفتار 38 سے 45 کلو میٹر فی گھنٹہ ہے۔

محکمہ موسمیات نے کہا ہے کہ شمالی علاقوں سے مغربی سسٹم رخصت ہو رہا ہے، مغربی سسٹم ختم ہونے پر ہائی پریشر ایریا بن گیا ہے۔

محکمہ موسمیات کے مطابق کراچی میں ہوا میں نمی کا موجودہ تناسب 14 فیصد ہے، آئندہ دو روز کے دوران ہواؤں کا رخ تبدیل ہوگا، دن میں شمال مغرب سے گرم اور خشک ہوائیں چلنے کا عمل جاری رہے گا۔

محکمہ موسمیات کے مطابق شہر قائد کا موجودہ درجہ حرارت 35 ڈگری سینٹی گریڈ ہے، بدھ کو شہر کا موسم گرم اور خشک رہے گا، بدھ کو شہر کا درجہ حرارت 36 سے 38 ڈگری تک ہوسکتا ہے۔

محکمہ موسمیات کا کہنا ہے کہ جمعرات کو موسم گرم اور مرطوب رہنے کا امکان ہے، جمعرات کو درجہ حرارت 35 سے37 ڈگری رہنے کا امکان ہے۔