پاکستان شوبز انڈسٹری کے معروف میک اپ آرٹسٹ اور ہیئر اسٹائلسٹ عمیر وقار نے اداکارہ صبور علی سے تعلقات کی افواہوں کو نیا رُخ دے دیا ہے۔
گزشتہ روز عمیر وقار نے انسٹاگرام پر سوال و جواب کا سیشن رکھا جس میں مداحوں نے ان سے صبور کے ساتھ تعلقات کے حوالے سے سوال کیا۔
ایک سوال کا جواب دیتے ہوئے انہوں نے کہا کہ ’میں تو ایسا ہی چاہتا ہوں لیکن وہ خود ہمیشہ دور دور رہتی ہے۔‘
میک اپ آرٹسٹ عمیر وقار کے جواب نے مداحوں کو تشویش میں مبتلا کردیا ہے کہ کیا انڈسٹری کی ایک اور جوڑی رشتہ ازدواج میں منسلک ہونے کا ارادہ رکھتی ہے۔
اس کے علاوہ ایک اور سوال کے جواب میں عمیر وقار نے لکھا کہ ’وہ میرے لیے لڑکی تلاش کر سکتی ہے۔‘
دوسری جانب صبور کی جانب سے عمیر کے ان خیالات پر کوئی ردعمل سامنے نہیں آیا ہے۔
واضح رہے کہ صبور علی اور عمیر وقار پارٹیز اور دیگر تقاریب میں ساتھ دکھائی دیتے تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News