افغانستان میں امن درحقیقت پاکستان میں امن ہے،آرمی چیف

وریشہ مسعود

28th Apr, 2021. 11:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

افغانستان میں امن درحقیقت پاکستان میں امن ہے،آرمی چیف

آرمی چیف جنرل قمر جاوید باجوہ نے کہا ہے کہ افغانستان میں امن درحقیقت پاکستان میں امن ہے۔

پاک فوج کے شعبہ تعلقات عامہ ( آئی ایس پی آر) کے مطابق آرمی چیف جنرل قمر جاوید باجوہ اور امریکی وزیر دفاع کے درمیان ٹیلیفونک رابطہ ہوا ہے۔

آئی ایس پی آر کے مطابق آرمی چیف اور امریکی وزیر دفاع نے دوران گفتگو باہمی دلچسپی، علاقائی سیکیورٹی اور افغان مفاہمتی عمل پر تبادلہ خیال کیا۔

آئی ایس پی آر کا کہنا ہے کہ آرمی چیف سے گفتگو کرتے ہوئے امریکی وزیر دفاع نے خطے میں امن و استحکام کیلئے پاکستان کی کوششوں کا اعتراف کیا۔

اس موقع پر آرمی چیف جنرل قمر جاوید باجوہ نے کہا کہ افغانستان میں امن درحقیقت پاکستان میں امن ہے، پاکستان ہمیشہ افغان عوام کی توقعات کے مطابق امن عمل کی حمایت کرتا رہے گا۔