معاون خصوصی برائے سیاسی ابلاغ ڈاکٹر شہباز گِل نے کہا ہے کہ زرداری اور انکے حواری سندھ کے لئے ایک بیماری ہیں۔
تفصیلات کے مطابق معاون خصوصی برائے سیاسی ابلاغ ڈاکٹر شہباز گِل نے چیئرمین پیپلز پارٹی بلاول بھٹو زرداری کے بیان پر ردعمل دیتے ہوئے کہا کہ جعلی وصیت پر بننے والا چئیرمین خود کو بھٹو کا وارث کہلاتا ہے۔
شہباز گِل نے کہا کہ 14 سال سے سندھ پر مسلط ڈاکو لوٹ مار کے سوا سندھ کو کچھ نہ دے سکے ، غربت کا وسیلہ بن کر سندھ پر مسلط رہنے والے بلاول اصل کٹھ پُتلی ہیں۔
انہوں نے کہا کہ ‘مسلط’ لفظ کی تشریح زرداری اور فرزندِ زرداری کا پیپلزپارٹی پر قبضہ کرنا ہے ، پرچی چیئرمین والد کے کرپشن کے دفاع کی ذمہ داری نبھا رہے ہیں۔
شہباز گِل نے یہ بھی کہا کہ وزیراعظم کی قیادت میں پستی میں گری معیشت کو اٹھایا گیا ہے اور کورونا جیسی عالمی وباء کے باوجود معیشت بہتری کی طرف گامزن ہے۔
معاون خصوصی برائے سیاسی ابلاغ ڈاکٹر شہباز گِل نے مزید کہا کہ چوری کے سوال پر چور لٹیروں کی جمہوریت خطرے میں آجاتی ہے جبکہ عمران خان نے تمام چوروں کو اکھٹا کرکے بے نقاب کیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News