فروٹ چاٹ افطار کیلئے عام طور پر بنیادی ڈش تصور کی جاتی ہے اور ہر گھر میں اس کا اہتمام کیا جاتا ہے۔
مزیدار چنے اور فروٹ چاٹ کی اس ریسیپی سے آپ اپنی افطاری اسپیشل بنا سکتے ہیں۔
اجزاء
سفید چنے ایک پاؤ
کٹھا سیب ایک پاؤ
امرود ایک پاؤ
سرخ انار ایک عدد(چھوٹا سائز)
کیلے 3عدد
آدھے لیموں کا رس حسب ضرورت
نمک ایک چٹکی
لال مرچ چائے کا چوتھائی چمچ
کالی مرچ ایک چٹکی
کینو کا رس ایک پیالی
چینی ایک کھانے کا چمچہ
ترکیب
سب سے پہلے چنے کو گلا لیں۔
سیب چھیل کر چھوٹے چھوٹے ٹکڑے کر لیں۔ انار کے دانے نکال لیں۔ امرود کے بھی ٹکڑے کر لیں۔ کیلے کے گول قتلے بنا لیں۔
ایک پیالے میں تمام پھلوں کو مکس کر کے ڈالیں۔ فروٹ پر کینو اور لیموں کا رس ڈال کر ملائیں۔
چنے گلا کر پھلوں کے ساتھ شامل کریں اور حسب ذائقہ نمک مرچ ڈالیں۔
چینی ڈالیں اور تمام چیزوں کو اچھی طرح مکس کریں۔
نوٹ: کٹے ہوئے کیلے چونکہ کالے پڑ جاتے ہیں اس لئے انہیں پیش کرتے وقت مکس کریں۔
مزیدار چنے اور فروٹ چاٹ نوش فرمائیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News