پاکستان شوبز انڈسٹری کے اسٹار یاسر حسین نے بھی ٹیلی ویژن پر ڈرامے کی دوبارہ نشریات سے حاصل ہونے والی کمائی سے اس میں کام کرنے والے ادکاروں کو معاوضہ دینے کی مہم کے لیے آواز بلند کردی ہے۔

یاسر حسین نے سوشل میڈیا پر اپنے پیغام میں سدا بہار مشہورِ زمانہ سیریز ’عینک والا جن‘ کے فنکاروں کے لیے آواز  اٹھائی ہے۔

یاسر حسین نے فوٹوز اینڈ ویڈیو شیئرنگ ایپ انسٹاگرام پر ’عینک والا جن‘ کے ویڈیو کلپس شیئر کیے ہیں۔

اداکار نے لکھا کہ اس میں کام کرنے والے افراد افلاس میں گرفتار ہوکر انتقال کرگئے، جبکہ اس میں سے کچھ چندے پر زندہ ہیں۔

واضح رہے اس سے قبل پاکستان شوبز انڈسٹری کی نامور اداکارہ مہوش حیات اور ماہرہ خان نے بھی ڈراموں کی دوبارہ نشریات پر اداکاروں کو معاوضہ دینے کے حق میں آواز بلند کی تھی۔