علامہ اقبال اوپن یونیورسٹی نے ملک بھر میں جاری امتحانات ملتوی کرنے کا اعلان کردیا ہے۔
تفصیلات کے مطابق کورونا کی تیسری لہر کے پیش نظر علامہ اقبال اوپن یونیورسٹی نے ملک بھر میں جاری امتحانات ملتوی کر دیئے جس کا اعلامیہ بھی جاری کر دیا گیا ہے۔
یونیورسٹی انتظامیہ کا کہنا ہے کہ ضلعی دفاتر کے ڈائریکٹرز کی جانب سے موصول ہونے والی تجاویز کی روشنی میں امتحانات ملتوی کیے گئے۔
یونیورسٹی کی جانب سے جاری کردہ اعلامیے میں کہا گیا ہے کہ نئے شیڈول کا اعلان عید الفطر کی چھٹیوں کے بعد کیا جائے گا۔
اعلامیے میں مزیدکہا گیا ہے کہ علامہ اقبال اوپن یونیورسٹی کے تحت ہونے والے بی ایس اکاَؤنٹنگ اینڈ فنانس اور بی ایس پروگراموں کے فائنل امتحانات بھی ملتوی کردیے گئے ہیں، امتحانات کی نئی تاریخوں کا اعلان بعد میں کیا جائے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
