لاہور، مکان میں گیس لیکج کے باعث دھماکا، 5 افراد جاں بحق

ثمرا مظہر

07th Apr, 2021. 12:03 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاہور، مکان میں گیس لیکج کے باعث دھماکا، 5 افراد جاں بحق

لاہور کے علاقے برکی میں گیس لیکج کے باعث دھماکے سے دو مکان زمین بوس ہوگئے جس کے نتیجے میں 5 افراد جاں بحق جبکہ بارہ افراد زخمی ہوگئے۔

ریسکیو ذرائع کے مطابق برکی روڈ پرواقع پھنگالی گاؤں میں علی الصبح گیس لیکج کے باعث خوفناک حادثہ پیش آیا ہے، گیس لیکیج کے باعث دھماکے سے دو مکان زمیں بوس ہوگئے۔

ریسکیو ذرائع کے مطابق مکان کے ملبے تلے دب کر 5 افراد جاں بحق ہوگئے جس میں خاتون اور چار بچے شامل ہیں۔

واقعے کی اطلاع ملتے ہی ریسکیو اور اہل محلہ نے ملبے تلے دبے افراد کو نکالا، حادثے میں چار بچے اور خاتون موقع پر جاں بحق ہوگئے جبکہ زخمی ہونے والے 12 افراد کو ابتدائی طبی امداد کے لیے اسپتال منتقل کردیا گیا۔

پولیس کے مطابق واقعہ محض ایک حادثہ ہے تاہم دیگر پہلوؤں پر بھی تحقیقات جاری ہیں۔

پولیس کے مطابق جاں بحق افراد کی میتیں لواحقین کے سپرد کردی گئی ہیں۔