پی ڈی ایم سربراہ مولانا فضل الرحمان نے کہا ہے کہ آج نہ اسلام محفوظ ہے نہ ہی ختم نبوت محفوظ ہے۔
تفصیلات کے مطابق پی ڈی ایم سربراہ مولانا فضل الرحمان نے اپنے ایک بیان میں کہا کہ پوری قوم انتہائی دکھ سے دوچار ہے ، جس طرح لاہور میں ایک کربلا برپا کیا گیا ہے اس کو ریاستی دہشت گری قرار دیتے ہیں اور اس کی پر زور مذمت کرتے ہیں۔
پی ڈی ایم سربراہ نے کہا کہ جو لوگ ملک کی تذلیل کریں ان کو ریاستی پشت پناہی حاصل ہوتی ہے ،آج عمران خان فرانس کا ہیرو بنا ہوا ہے اسے شرم آنی چاہیے۔
مولانا فضل الرحمان نے یہ بھی کہا کہ مسجدوں میں شہید پڑے ہوئے ہیں ان کے لیے ایمبولینس تک روک دی گئی ہے، معاملہ رسالت کے ہاتھ سے نکلتا جا رہا ہے، اب مزید برداشت نہیں کیا جا سکتا۔
پی ڈی ایم سربراہ کا کہنا تھا کہ اگر مغربی دُنیا کو یہ کھیل کھیلنا ہے تو اسکے لئے تیار ہیں، اعلان کرتا ہوں کہ فرانس کے سفیر کا جانا اب لازمی ہو گیا ہے۔
مولانا فضل الرحمان کا یہ بھی کہنا تھا کہ اس ملک میں غیر حکمرانی تسلیم نہیں کرتے، اگر پاکستان کے ریاستی ادارے اپنی قوم پر بکتر گاڑی چلاتے ہیں تو اس کو ہم دہشت گرد کہیں گے۔
پی ڈی ایم سربراہ مولانا فضل الرحمان کا مزید کہنا تھا کہ مطالبہ کرتے ہیں کہ جو معاہدے ہوئے ان کو پارلیمنٹ میں لایا جائے اور اس صورت حال کو عقل مندی سے حل کیا جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News